Owganystandaky häzirki ýagdaý üçin ABŞ we NATO jogapkärdir
Hytaý hökümeti Owganystandaky häzirki ýagdaý üçin ABŞ-ny we Demirgazyk Atlantik Şertnamasy Guramasyny (NATO) günäkärledi.
IRNA habarlar gullugynyň beren habaryna görä, Hytaýyň Daşary işler ministrliginiň metbugat sekretary žao Lijian ABŞ-nyň we NATO-nyň Owganystanda eden işleri barada oýlanmalydygyny we bu ýurduň serhetaşa emläklerini gysga wagtda boşatmalydygyny aýtdy.
žao Lijian Owganystana ynsanperwer kömegini bermäge mümkinçilik berýän 2615-nji rezolýusiýanyň kabul edilmegine ünsi çekip: Owganystanyň dostlukly ýurdy hökmünde Hytaý bu ýurduň gumanitar ýagdaýyny yzarlaýandyr we ykdysady we durmuş meselelerini dürli ýollar bilen çözmekde hyzmatdaşlyga taýyndyr diýdi.
Hytaýyň Daşary işler ministrliginiň metbugat sekretary şeýle-de Howpsuzlyk Geňeşiniň Owganystana gumanitar kömek bermekde konstruktiw rol oýnamalydygyny aýtdy.
Žao Lijian şeýle-de geçen awgustdan bäri Owganystanda düýpli üýtgeşmeleriň bolup geçendigine we bu ýurtda 39 million adamyň gumanitar krizise sezewar bolýandygyna düşünmelidiris diýip sözlerine goşdy.
