Owganystanda eneleriň ölüm derejesi ýokarydyr
Eneleriň ölüm derejesi Owganystanda henizem Aziýa ýurtlarynyň arasynda iň ýokary orny özüne haslandyr.
Birleşen Milletler Guramasynyň Çagalar Gaznasy ýakynda hasabatynda Owganystandaky on alty million bäş ýüz müň aýal we çagalaryň kömege mätäçdiklerini yglan etdi.
Amerikanyň Birleşen Ştatlarynyň Owganystandan jogapkärçiliksiz yza çekilmegi, we Jo baýdenyň buýrugy bilen bu ýurduň daşardaky walýuta ätiýaçlyklarynyň konfiskasiýa edilmegi, şeýle hem halkara kömeginiň bes edilmegi owgan halkynyň ýaşaýyş şertlerini kynlaşdyrdy.
IRIB habarlar gullugynyň Kabuldan beren habaryna görä, Birleşen Milletler Guramasynyň Ilat Gaznasy şu gün (duşenbe) hasabatynda her 100,000 çaga doglanda 638 owgan enesiniň ölýändigini, we Aziýa ýurtlarynyň arasynda enäniň ölüminiň iň ýokarydygyny aýtdy.
BMG Ilat gaznasy owgan aýal-gyzlarynyň we eneleriniň ýagdaýyny gowulandyrmak üçin tagalla edilmese, ölenleriň sanynyň artyp biljekdigini duýdurdy.
Birleşen Milletler Guramasynyň Ilat gaznasynyň işgärleri Owganystandaky soňky wakalaryň owgan aýal-gyzlarynyň ýagdaýyna hasam zyýan ýetirendigini aýdýarlar.
