Owganystanda Hakkani Toparynyň Ýolbaşçylaryndan Biri Öldürildi
Owganystanda hâkimiýet başyndaky Talibanyň we ýaranlaryndan biri bolan Hakkani toparynyň belli ýolbaşçylaryndan biri bolan Şeýh Rahimullah Hakkani bombaly hüjümde aradan çykdy.
Kerimi Hakkaniniň öldürilmegi sebäpli çuňňur gynanç bildirdi.
Owgan mediasy bolsa Hakkaniniň paýtagt Kabulda ders berýän Hakkani toparyna degişli medreselerden birinde guralan kamikaze hüjüminde ýogalandygyny öňe sürdi.
Terror guramasy DAEŞ, sosial media hasaplaryndan beren habarnamasynda paýtagt Kabulde Şeýh Rahimullah Hakkana guralan kamikaze hüjüminiň jogapkärçiligini boýun alýandygyny habar berdi.
Hakkani topary 1970-nji ýylda Jelaleddin Hakkani tarapyndan döredilen Hakkani topary, soň Owganystany basyp alan Sowet Soýuzyna garşy söweşýär.
Hakkani topary ýurduň Sowet gözegçiliginde mahalynda (1979-1989) bolan döwründe BŞ tarapyndan goldanan söweşiji müjahit toparlaryň hatarynda iş alyp barypdy. Emma topar soň Owganystana harby operasiýa guran NATO we Owganystanyň şol wagtky hökümetine garşy ýaragly göreş alyp bardy. Topar şol döwürde guralan ençeme hüjümiň meýilleşdirijisi hökmünde bilinýär.
1996-njy ýylda garşydaş mujahit toparlary ýeňip, Kabuly alan Talibana 1995-nji ýylda goşulan topar, häzirki wagtda Talibanyň esasy ýaranlaryndan biri.
Jelaleddin Hakkaniniň 2018-nji ýylda ýogalmagyndan soň ýerine häzirki wagtda Talibanyň wagtlaýyn İçeri işler ministri bolan ogly Sirajeddin Hakkani geçipdi.
Owganystanda "Talyban" hökümetiniň dolandyryşyny halkara jemgyýetçiligi kabul etmezligi, Owganystanyň Merkezi Bankynyň emläkleriniň ABŞ tarapyndan petiklenmegi we halkara kömeginiň bes edilmegi sebäpli halkara izolýasiýasyna duçar boldy.
Owganystandaky syýasy meseleler boýunça bilermen Seýid Jawad Hosseini:"Talyban hökümeti" halkara jemgyýetçiliginiň bu talaplaryna oňyn jogap berýänçä, halkara jemgyýetçiligi olary ykrar etmek islemez diýdi".
