Russiýa Ermenistan bilen Azerbaýjan respublikasynyň arasynda gepleşikleriň dowam etmegini isledi
Russiýanyň Daşary işler ministrliginiň metbugat sekretary Nagorno-Garabag sebitindäki häzirki meseleler barada alada bildirip, Ermenistan bilen Azerbaýjan respublikasynyň arasynda gepleşikleriň täzeden başlamagyny isledi.
Ermenistan bilen Azerbaýjan Respublikasynyň arasyndaky söweş 2020-nji ýylyň 27-nji sentýabrynda jedelli Garabag sebitinde başlandy we Russiýanyň töwellaçylygy we 10-njy noýabrda şertnama gol çekilmegi bilen Garabagyň bölekleri Bakuda gowşuryldy we 44 günden soň tamamlandy.
IRNA-nyň anna güni beren habaryna görä, Russiýanyň Daşary işler ministrliginiň metbugat sekretary "Mariýa Zaharowa" metbugat ýygnagynda Ermenistan bilen Azerbaýjanyň arasynda gepleşikleriň täzeden başlamagynyň zerurdygyny aýtmak bilen Moskwa Ýerewan bilen Bakunyň öz sözlerinde we hereketlerinde özlerini saklamagyny isleýär we aragatnaşygy we transporty açmak, serhetleri kesgitlemek, parahatçylyk şertnamasyny taýýarlamak we şahsyýetleriň arasynda ýygnak geçirmek ýaly ähli ugurlar boýunça gepleşikleri dowam etdirmegini isleýändigini nygtady.
Bu metbugat ýygnagynda "Mariýa Zaharowa" duşmançylykly ritorikanyň köpelmegi, Nagorno-Garabagda iki müňe golaý parahatçylygy goraýyş güýçleriniň bardygyna we iki tarapyň Laçin geçelgesi barada ylalaşyk gazanmak islemezligine alada bildirmek bilen parahatçylyk etabyna alternatiwa ýokdyr diýdi.
Russiýanyň Daşary işler ministrliginiň metbugat sekretary şeýle-de Günbataryň Ýerewan bilen Bakuwyň arasyndaky kynçylyklara bolan çemeleşmesini tankytlady we Günbatar bu meselelere giren badyna möhüm meseleleriň ýüze çykandygyny aýtdy.
