Gazanyň halkyny goldaýan Amerikan resmisiniň işinden aýrylmagy
Amerikaly bir resmi, prezidentiň Gaza söweşinde Ysraýyl režimini goldaýandygyna nägilelik bildirip wezipesinden çekildi.
Ysraýylyň Hamasa garşy söweş bahanasy bilen Gazanyň goragsyz halkyna garşy gazaply hüjümleri 7-nji oktýabrda başlandy we ABŞ-nyň hökümetiniň we beýleki sionist tarapdarlarynyň goldawy bilen dowam edýär we netijede 22,000-den gowrak palestinaly öldi we 57,000 adam ýaralandy.
Bu döwürde köp ýurtda halk we Palestina tarapdarlary ýygnanyşyklar we protest ýörişleri geçirmek arkaly bu açyk genosidden ýigrenýändigini mälim etdiler.
NBC News-iň habaryna görä; Baýden administrasiýasynyň işinden aýrylan agzasy we Baýdeniň ABŞ-nyň Bilim ministrliginiň ýörite kömekçisi "Tarek Habaş", Ak tamyň Ysraýyl režiminiň jenaýatlaryna garşy dymmagyna nägilelik bildirip, öz işinden aýrylandygyny ýazan hatynda şeýle getirdi: "Bu administrasiýa (Baýden) bigünä palestinalylara garşy edilen jenaýatlara göz ýumýar; hünärmenleriň Ysraýyl hökümetiniň genosid kampaniýasy diýip atlandyrýan jenaýatlary "; " Men Ysraýylyň genosidini goldaýan hökümet agzasy bolup bilmerin."
ABŞ-nyň Bilim ministrliginiň ýokary derejeli resmisiniň işinden aýrylmagy bir ýagdaýdadyr welin oktýabr aýynyň ahyrynda ABŞ-nyň Döwlet departamentiniň agzasy Joş Polyň Gazada ABŞ-nyň ýaraglary bilen öldürilmegine garşy çykyp, işinden aýryldy.
