Gadagan edilen Amerikan ýaraglaryny Germaniýadan Ukraina geçirmek
Germaniýa metbugaty bu ýurduň Amerikanyň gadagan oklaryny Berlin topragynda saklaýandygyny we olary Ukraina geçirýändigini mälim etdi.
Mehr habar gullugynyň habaryna görä, Germaniýanyň NDR radio-teleýaýlym ulgamy ABŞ-nyň Berliniň territoriýasyny bomba we gadagan oklaryny Ukraina geçirmek üçin ulanýandygyny mälim etmek bilen bu çäräni BMG-nyň gadagan ýaraglary ulanmaly däldigi baradaky konwensiýasynyň bozulmagy diýip atlandyrdy.
BMG-nyň 2008-nji ýylda tassyklan konwensiýasyna görä 110-dan gowrak ýurt Klaster oklaryny gadagan etdiler.
Bu gadagançylygyň sebäbi, bu ok-däriniň parahat ilata abanýan uly howpdyr.
Bu aralykda, ABŞ goşunynyň Ýewropa we Afrika serkerdeliginiň metbugat sekretary ABŞ-nyň ok-därileriniň Germaniýanyň Günbataryndaky Maýsau şäherinde bu ýurda degişli arsenalda saklanýandygyny we ol ýerden Ukraina iberilendigini aýtdy.
Bu metbugat sekretarynyň sözlerine görä, "Maýsau" harby bazasynda saklanýan ok-därileriň arasynda 155 mm M864 we M483A1 klaster bombalar bar.
German häkimiýetleri bu habara jogap bermekden ýüz öwürdiler.
