Abdullah Abdullah Talyban topary bilen ýaraşyk ylalaşygyna gol çekilmegini nygtady
Owganystanyň milli birleşik döwletiniň ýerine ýetiriji başlygy Talyban topary bilen gepleşikleriň geçirilmeginiň hemde bu topar bilen ýaraşyk ylalaşygyna gol çekilmeginiň zerurlygyny nygtady.
Tasnim habarlar gullugynyň beren habaryna görä,Abdullah Abdullah Kabulda beren gürrüňlerinde Owganystanda bähbitleri uruşyň dowam etmeginde bolýan käbir taraplardan ýa-da toparlardan başga Talyban bilen ýaraşyk ylalaşygyna gol çekilmegi hiç kimiň zyýanyna bolmaz diýdi.
Owganystanyň milli birleşik döwletiniň ýerine ýetiriji başlygy sözüniň dowamynda Owganystanda uruşyň ýatyrylmagy we parahatçylygyň berkarar edilmegi baradaky ilatyň isleglerine yşarat edip Talyban topary bilen gepleşige girişjek döwlet topary Owganystan döwletiniň ilatynyň hemde dürli partiýalarynyň isleglerini göz öňüne aljakdyr diýip beýan etdi.
Owganystanyň syýasy partiýalarynyň käbirisi döwletiň tarapyndan Talyban topary bilen gepleşige gatnaşjak toparyň düzüminden närazydyrlar.
soňky wagtlarda Owganystan döwleti Talyban topary bilen ýaraşyk gepleşikleri başlamak üçin 12 adamdan ybarat bolan bir topary döredendir.
