Hytaýyň daşary işler ministri Amerika taňkyt bildirdi
Hytaýyň daşary işler ministri Wang Yi Amerikanyň bu ýurdyň tersine alyp barýan bir taraplaýyn syýasatlaryna tankyt bildirmek bilen durmuşda Waşington dünýäniň durnuklylygyna şikes ýetirip duran uly sebäpkäre öwürilendir diýdi.
Reuters habarlar gullugynyň beren habaryna görä,Hytaýyň daşary işler ministri Wang Yi düýn Ýaponiýada geçirilen 20-ler toparyň daşary işler ministrleriniň maslahatynyň ýanynda Niderlandlaryň daşary işler ministri Stef Blokyň duşuşygynda Amerika döwletiniň alyp barýan bir taraplaýyn syýasatlaryny dünýäniň durnuklylygyna gaty zyýanly bildi.
Amerikaly resmiler dünýäniň her bir ýerine gidenlerinde hiç bir senedi ileri sürmezden Hytaýyň tersine ýaramaz sözleri dile getirip Hytaýa garşy boş gürrüňleri aýtýandyrlar diýip Wang Yi aýtdy.
Wang Yi şeýle-de hiç bir gudratyň Hytaýyň taryhy ösüşiniň öňüni alyp bilmejekdigine yşarat edip Waşington Hytaýa garşy alyp barýan häzirki oýuny bilen Pekiniň garşysynda netije gazanyp bilmez diýdi.
