Ermənistoni Siyonik ostanədə İroni Ərəs ozodə məntəğə şobə oj be.

Ermənistoni Siyonik ostani mərkəz Kapanədə bo İron və Ermənistoni miyono 2 tərəfiyəə əloğəon inkişof doero çı İroni Ərəs ozodə məntəğə şobə oj be.

Bə İrna raporti əsos Ermənistoni sərhəddi nezi çı Ərəs iğtisodi ozodə məntəğə şobə ojbımoni mərasimədə ım təşkilati sədr Muhsen Xadem Ərəbaği, İrvanədə İroni səfarətxanə rəsmion, Ermənistonədə iğtisodi fəalon, Siyoniki ostandar Kpani Şəhrdor iyən co rəsmi şəxson huzurışon be.

Həmçınin ım mərasimədə Ərəs və Siyonik ticari ozodə məntəğəon miyono bo iğtisodi həmkarion xoto qıləy ticari mığovilə imzo be.

Im şobə ofisi ojbımoniku hədəf turist və investoron cəzb karde ijən sərhədədə bə şahrvəndon və taciron komək karde ğeyd bıə.

Omə zəmonədə həm ğərare ki İroni Ərəs ozodə məntəğədə çı Siyonik sərmoyə noe və inkişof mərkəzi şobə həm oj bıbu.