Bə hociyon Yolə Rəhbəri mesaj

Imsornə həcci mərosimi xoto İroni Yolə Rəhbəri Həzrət Ayətullah Seyd Muctəba Huseyni Xameneyi bə hociyon xətab məxsusə mesaji sadirışon karde.

Bismillahi Rəhmanu-Rəhim

Ey Xıdo ıştı dəvəti icobət kardəm.heç qılə şərik botıno ni və həmmə ibodəton və həmmə neməton və həmmə mılkon və ğıvvə ıştı tərəfo və bə tı aide.

Imsornə sori həccı fəsl həm rəsə və islom omməti Həc bərpo əkon bandəti ehram iyən olətışon tan karde və ləbeykışon vote ki maddi və addiyə jimoniku bə ilahi və səadətmandə jimon hicrət bıkən,tohidiyə jimon bə Həzrət Həğı ubudiyəti mehvəriyyət və  Əndadullahku  co mandey.əmmo ım hicrəti fırsət fəğət bə Xıdavəndə xalıği kə ımsornə zairon və hocion aid ni və İron iyən dınyo sərosərədə həmmə mıslmonə bıvon və hovon ə kəson ki ıştə umri dəvardə soronədə hoci bən tosə  kəsoni ki hələ bə Həccı əmali əncom doe muvəfəğ bə nin həmməku iborəte.Im hicrəti şərt Xıdo ətrofədə daimiyə ehrami basteye.Daimiyə təvaf bə Həğğı mehrəvi qırdo.Daimiyə səy ilahiyə təklifon barzion miyonədə,şərrə şəytoni daimiyə rəmy.Də çəy bə xəto eğandə simaon iyən çəy həmmə dəmoədə bıə kəson, de dığğət və təzərru omojən bıə  voğof.Roədə dəmandə fəğıron xurək doe,xətoə meylon və tələbon ğıbon karde və dılədə bıə  bevəcion təmiz karde və həmmə halətonədə xıdmət kardeyu hozzı be və həxiku mıdofiə pərçəmi rost kardeədəy və jıqo be ki ironi millət islomiyə inğilobi miğat iyən ehram bastə məhələdə həminə hicrəti roədə qəmışon no və yolə Xomeyni ibrahimiyə səloşon icobət karde.Sultə ğəbul karde olətışon tano əvatışone donyəvi və oxrəviyə səadətmandi  ehramışon tan karde və  ləbbəyk vote vote iyən rəv-rəv ğədəm peqəteədə cəhdışon  karde bə Muhəmməd(s) əslımandə islomi məarifi mehvər təvaf bıkən və ıştəni bə dınyo ədoləti novraniyyət iyən əzəmətinə vilayəti nez bıkən.Əllahu Əkbər,Əllahu əkbər lailahə illəlahi vəllahu əkbər, əllahu əkbər vəlilahil həmd,Əllahu Əkbər əla ma hədana.Bəle Əllahu Əkbər de həminə Əllahu Əkbərı siloh be ki ironi mıslmonə millət 47 sor çimi bə nav ğiyamış karde.Tağotı rejim, pəhləvi diktator və vobəstə rejimış bə kəno no,təməkor və mıstəkbirə Amerkə dast-poş bıri və kollən sioniston nufuzış ğət karde.De həminə Əllahu Əkbər siloh be ki Sədam bəs rejim bə ironi ərazi təcavuz karde bəpeştə ğeyrətmandə mucahidə cıvonon ki ıştə coniku dəvardə bin 8 sor mığəddəsə mıdofiyə ğəhrəmanətişon xəlğ karde və bəıs rejimiku şərğ və ğərbı həmmə ğıvvon himoyəon kənoədə əvışon bəştə vırə nışandışone və ım  mubarizəşon çandə soron bəpeştə ixtisadiyə muhasirə, devləti peqordımon karde,zılminə sanksiyaon,deşmenon bə İslomiyə Respublika zid siyasi, təbliğatin və ixtisadi be hisobə hucumon vədə zumand ıştə roşon dəvom do.Və Əllahu Əkbər... həminə Əllahu Əkbər be ki islomiyə ommət və ironiku  qətə tosə Livan və Fələstin iyən İrağ və Suriyə, Afrika və yəməniku tosə Əfğanistan və Pakistan və dınyo həmmə ozodə millətonış zumand karde ki ım zumandə jiyə, təcavuz əkə sioniston vədə islomiyə omməti yoliyətiku bə mədofiə karde rost bıbon, İŞİD miyono barde, Tofanuləğsa bə ro dəğande və sionist rejimi sıstə nəfəsış bə aşmarde dəğandışe.Əllahu Əkbər  bəle təbarək və təalaə Xıdo tərif kardənin ni(tərif kardesə yole)Im əllahu Əkbərı siloh be ki İron İslom Respublika bəy peşt pur beədə muvəfəğ be sionist rejimi bə ironi zid 2 minnə canqədə həşi 1404 bə sori xordad manqi ıştə qonə zərbəon jiyo be çorə bıkə.Bə təcavuz əkə Amerkə zumandə silliş jə və deşmenış çəy hədəfədə, ironi təslim kardeyu ocizış haşte.Və Əllahu Əkbər siloh jıqo be  ironi millət ğıvvə və zuş do ki əzəmətinə şənış bıə rəhbəri, Xıdo rəsul(s) fərzənd Həzrət Ayətullah seyd Əli Huseyni Xameneyi  şəhodəti bəpeştə ımrujnə dınyo bədbəxt və zolımi dastədə, millət bə ilahiyə besət rəsə və həmmə meydononədə dıştə har cəhətinə huzuri dınyo çəşonışon ıştə fəxrinə hərəkəton vədə motəjəşon karde.Əllahu Əkbər , həğiğətən təbarək və təalaə Xıdo bə tərif dəvijqedə ni(tərif kardesə yole) De həminə Əllahu Əkbər siloh be ki İslomiyə ironədə ğeyrətmandə mubarizon iyən ıştə coni fido kardeyu hozzı bə silohinə ğıvvon de mığavimət cəhbə mucahidon həmroəti karde xususi əzizə livani mucahidon 2 qılə terroristiyə ərteş Amerkə və sionist rejimi ki tosə dandoni bın de siloh zumand bin bə ironi zid 3 minnə canqədə yolə ğələbəşon bə dastvarde.Bə Xıdo təvəkkul kardeədə və dıştə rəketon və dıronon vositə zəmin,həvo və dıyoədə yolə şəyton yəni Amerkə və çəy dast umutə həyvon sionist rejimışon rəmy karde və ilahi rostə vədəmon Xıdo roədə bə mucahidon komək kardeşon dıştə çəşi vindışone.Və ojnən əllahu Əkbər,Şək ni ki təbarək və təalaə Xıdo ve yole və bə tərif dəvijqedə ni və çəy ləşkərion bə ha ğıvvə ğələbə bəkan.və de həminə Əllahu Əkbər siloh hete ki İroni millət və mığavimət cəhbə rost beədə islomiyə omməti rost be iyən oğoəti həm təşkil bəbe.Və muşrikonku braət iyən kəno mande Həccı rəmye cəmərato bə mıslmonon şəxsi, ictimaiyyəti və siyasiyə jimoni səhnəon aləmi həmmə vıronədə inkişof bəkay.İslomiyə ommət vəməntəğə milləton veyə zərfiyyəton və kali mıştərəkə faydonışon heste ki tojə nəzm və məntəğə iyən dınyo tale həndəsə təşkil bədoy.Az de sıdği iyən xolisəti həmmə məmləkəton və islomiyə devlətonxəyr və çokiədə bə dustiyəti və həmkoəti dəvət kardedəm ki de iyandı həmkoəti islomiyə omməti inkişofi roədə və islom dınyo məsələon həl kardeyu qəm peqəton.əvi ki ım cəhətədə ruşine zəman bə domo oəqard ni və milləton iyən məntəğə sərzəminon həni amerkə mərkəzon sepər nibəben.Amerkə əlovə bə ım ki məntəğədə həni şərrə hərəkəton və hərbiyə mərkəzon bərpo karde əzın ni ruj bə ruj həm ıştə nakonə vəziyyətiku fasilə qətedə.Sioniston sıstə rejim və israilı xərçənqə noxəşəti həm bəştə notəmizə umri oxo nez bə və de Xıdavəndə xalıği yoliyəti və bərobər de əzəmətinə şənış bıə şəhidə rəhbəri 10 sor çimi bə nav ğətei və bə tale dəğiğə nəzəron əsosədə  bəyon kardə sıxanon, sioniston çə tarixiku 25 sor bə nav əvind nin.Inşaəllah həminə cəhətədə ımsor muşrikonku bəraət və bəvonku ıştəni co karde veyə əhəmiyyətış pəydo kardə  və Amerkə iyən səhyoniyə rejimiku doəro mande nığıli iyən hevojəti Həc mərasimədə bəraətı mərasimiku bəpeə vırəş heste və İron iyən dınyo mıxtəlif nuğtəonədə və ım mubarəkə əyyami bəpeştə Bımardo Amerkə- bımardo israil islomiyə omməti iyən aləmi məzlumon xususi cıvonon dəb bıə şoar bəbe.Tale bə islomiyə ommət və islomi noə mədəniyyəti aide və har kəs çəmə miyonədə karde bəznemon bəştə cəhdon, zərfiyəton və ıştə məsuliyyəti miğdorədə ım tale bə nəticə rosne iyən bəy nez beyu rol ifo  karde.İroniyə zairon və hocion ımsornə sori Həc mərosimədə bə ironi zid 3 minnə canqi fəth rəvoyət iyən sayirə  mıslmonə bıvon və hovon və ruşinə tale ommidvar kardeyu  muhim və zumandə rol ifo karde bəznen.Həmmə əzizə hocionku pidəme insoniyyəti nicat ədə(Ə) fərəci bə nav dəqıniye dıvo bıkən və islomiyə omməti vəhdətiyu Fələstin və Məsciduləğsa ozodətiyu mıslmonon yolə qiriftarətion həl be və beynəlxalğə istikbari vədə bə nəhaiyə ğələbə rəseyu dıvo bıkən və mıni ıştə dıvoon dılədə ğəror bıdən.Pərvərdqara bə Muhəmmədi səlom bıvğand və ıştə lutf və rəfəti bə hocion və həmmə islomiyə omməti ğısmət bıkə.Ğəbul bıə həcci səbarzəti bıvon ğısmət bıkə.Çəvon dılon ,mərifət və aqahəti novraniyyətiku ruşin bıkə və çəvon irofə,  omməti əhvoli islah karde roədə hərəkət kardeyu iyən bə islomiyə deşmenon nəhaiyə ğələbəru zumand bıkə.Pərvərdqara ıştə hevojə yoliyəti və rəhməti Xıdo roədə bıə şəhidon pokə roh, xususi mığavimət cəhbə şəhidon və çəvon əvvələdə əzəmətinə şənış bıə şəhidə rəhbəri nazil bıkə.Və hocion həcciku, ibodət əkon ibodətiku , və ə cəhd kardə kəson səy ki omməti rəhbəri hidayətonku bəhrəşon bardə bə çəy ruhaniyə pokə ruh veyə miğdorədə ğısmət bıkə.Və ironi millət və islomiyə omməti əçəy ro iyən hədəfon dəvom doeyu komək bıkə.Pərvərdiqara ıştə həmməsə çokə sələvat və təhiyyati bə çəmə yol və movla Həzrət Məhdi (ə) nazil bıkə və əmə həmmə iyən islomiyə omməti ə həzrəti dıvoon və mıstəhəbbatonku şomil bıkə və aləmi də çəy mıbarəkə ğədəmon novrani və reçin bıkə jəqo ki vədə doə və çəmə dılon bə həmonəsubut və zumandə vədəon pure de yəğin.

Seyd Muctəba Huseyni Xameneyi

Həşi 1405 nə sori xordad manqi 5