Həsən Ruhani bo İlham Əliyev səbəsəlomtəti mesaj vığandə.

İroni prezident qıləy mesaj bə Azərbaycan Respublika prezident vığandışe ijən ım kişvəri qıləy damoniyə mərkəzədə otəşi nəticə çandə Azərbaycan Respublika şəhrvandon marde səbəsəlomtəti votışe.

Çı Həsən Ruhani cumə ruji peyğomədə bə İlham Əliyev səbəsəlomtəti doe bəpeştə de ım dardinə hadisə ğıbon bıə kəson ailəon həmdardi elan be.

İroni prezident Xıdovənd xaleğiku bo prezident iyən Azərbaycan Respublika millət səlomtəti iyən səbarzəti tələbış kardə.

Zinə Bukoədə qıləy narkoloji mərkəzədə otəşi xoto təğribən 24 nəfər madən.

Im hadisə i minə illət narkoloji mərkəzədə bərği sistemədə problemon elan bıə.