Azərbaycan Respublika iğtisod vəzir İroni Ostoro osınə royku vindımonış kardə.

Azərbaycan Respublika iğtisod vəzir zinə çı İroni Ostoro sərhəd, mıştərəkə ğətariyə pard, osınə ro, komrok iyən Ostoro-Ostoro ğətariyə xəti proyekti detalonku xəbə do bey xoto bə İroni Ostoro varid be.

Bə Mehr aqentiyəti raporti əsos Şahin Mustəfayev ım vindımon və səfəri kənoədə bə İron və Azərbaycan Respublika ticarət sahədə Ostoro-Ostoro ğətariyə xəti komil karde təsir və əhəmmiyət işorəş kardə iyən votışe: şimal- Cənub dehlizi komil karde nəğliyat sahədə Russiyə, İron, Azərbaycan Respublika, Avropa və Asiya Cənub Şərğ məntəğəon və kişvəron miyono məhsulon vırə bə vırə kardero vey komək bekay.

Şahin Mustəfayev təkidış karde ki İron və Azərbaycan Respublika miyono ğətariyə xəti proyekti komil karde bəzne dınyo vey muhimmə porton bə İron və Azərbaycan Respublikadə çokono.

Əv ijən bə Azərbaycan Respublika səfər kardero çı İroni prezidenti omə haftə bərnoməon barədə həm votışe: ım səfərədə vey çokə təvafuğnoməon, prezidenton səthədə imzo bəbe iyən Ostoro-Ostoro ğətariyə beynəl xalğiyə xəti fəaliyəton əmələn bino bəbe.

Şimal Cənub osonə xəti dehliz İroni Bəndər Əbbas, Ğəzvin, Rəşt, Ostoroku dəvardə bəpeşt bə Azərbaycan Respublika Ostoro şəhr daxilbedə ijən detosə Russiyə və Avropa şimal idoməş heste ki bo məhsulon vırə bə vırə kardero ticarət sahədə vey foydəş bəbe.