Azərbaycan Respublika çı xarıci dışmənçiyə planon vədə muğavimət bəkay.
Azərbaycan Respublika prezidenti məxsusə dəstyar elanış kardə ki bə xarıci kişvəron ım məmlekəti bənə məntəğə və beynəl xalğ siyasəton əbzari əvəz karde icozə nibədamon.
Bə İrna raporti əsos Azərbaycan Respublika prezidenti məxsusə dəstyar Əli Həsənev Bokudə sosiyal şəbəkəonədə çı milli və mənəvi ərjon oqəte iclosədə əlovəş kardə: Bə xarıci kişvəron icozə ni bədamon çəmə zəminiku bə məntəğə və hamsuyə kişvəron zərbə varid kardero istifodə bıkon.
Əli Həsənev təsdiğış kardə: bəzi kişvəron çı Azərbaycan Respublika enerji ehtiyaconku sue-istifodə karde fikədən əmmo əmə çəvon iradəon vədə bəmandemon.
Azərbaycan Respublika prezidenti məxsusə dəstyar Azərbaycan Respublikaədə de prezidentəti səçıni həmzəman bə noəmnə şərayeti icod əkə amilon məğsədon işorəş kardə iyən votışe: jıqonə hərəkəton çom çiku çı iştimaiyəti himoyəon xıvandəti bə səbarzəti ni bərəse.
Aprili 11 Azərbaycan Respublikadə prezidenti səçın bərpo bəbe.
Bəzi çı Azərbaycan Respublika partiyaon ım səçıni be itibor elan kardən iyən bəzi qrupon həm Avropaədə bə Boku dıvləti zid təbliğaton bardən.
