Amerkə vey rohət Suriyəku xaric nibəbe.

Tırkiyə i minə vəziri muavin Suriyəku xaric bey barədə Trampi sıxənonış təbliğiyə hərəkət zınəş be ijən votışe: jıqonə şuaronku hədəf səçınədə respublika tələbə nımoyəndəon diğğət və muvəffəğiyəti cəlb karde heste boçi ki prezidentəti intixabatədə Trampi səbarzəti bois bıə.

Əv Suriyə Menbec məntəğədə Amerkə hərbi huzur və bazaonku tənğidış kardə iyən bə Amerkə muxtəlifə prezidenton tərəfodoə vədəon işorə karde votışe: Amerkə ısət Mebecədə de Tırkiyə koməki əmnə məntəğə icod karde fikədəy.

Fikri İşik təkid kardə ki Amerkə çı Suriyə Kırdon hərbiyə zumandəti sayədə İraği şimal və Suriyə şimal ğərbədə kırdə dıvləti pesoxtə fikədəy.

Qılə holədə ki Amerkə prezident Donald Tramp i kərə elanış kardə be Amerkə çı DAEŞ-i cəhənnəmədə qiriftor bey dılış ni və veyrə Suriyəku bəşə əmmo tojədən Amerkə xarıci vəzir elanış kardə ki vey rə Suriyəku xaric beyro Amerkə hiç bərnoməş ni.