Bokuədə Omujnıqıniyə təşkilati muğəddəmə iclos.

Çı umuj nıqeniyə təşkilati xarıci vəziron muğəddəmə iclos Azərbaycan Respublikadə bərpo be.

Bə İrna raporti əsos ım iclos de NAM təşkilati 60 qılə kişvəronku ali rotbə diplomaton iştirok karde dəvoniyə bəy.

Im iclosi rəis, Venesoela xarıci vəziri muavin Roben Dariv Molina be.

Əv ıştə nıtğədə votışe: Umuj nıqinə təşkilat bo əmniyyət, sulh və insonə həxonro vey çokə zəminə və moğədəmi.

İ biə milləton təşkilatdə Azərbaycan Respublika daimə nımoyəndə Yaşar Əliyev həm təkid kardə ki Bokudə bıə NAM təşkilati iclosi çərçivədə beynəl xalğ, məntəğə və bəşər həxon barədə əloğə və həmkarion inkişofi barədə muzakirə bəbe.

Ğeyd kəmon çı Bokuədə bıə umuj nıqeniyə təşkilati omə iclosi mıvzobə zumandə inkişofi rəseyro beynəl xalğ sahədə sulh və əmniyyəti rəvoc doe ğeyd bıə ki Aprili 5 və 6 bərpo bəbe.

Azərbaycan Respublika miladi 2011-nə soriku bə ım təşkilat izofə be və omə sorədə ım itifaği dıvrəiyə rəis bəbe.