Azərbaycan Respublikaədə prezidentəti səçın.

Azərbaycan Respublikaədə prezidentəti 8-nə dıvrə intixabat ımruj sıb ım kişvəri həmmə vırəonədə bino be.

Bə Bokuku rəsə xəbəon əsos kişvəri səçın mərkəzi kamissiya sədr məzahir pənaov elanış kardə: ımrujnə səçınədə 5 milyon və 315 hezo nəfər bo sədo doero ğanuni sinni xıvandin iyən 5 həzo və 642 qılə ğoti nəzərədə qetə bəy ki 41 qılə çəvonku xaricədə çı Azərbaycan Respublika sədoon qırdə bəkan.

Məzahir Pənaov əlovəş kardə: ım dıvrə səçınədə 8 nəfər namzəd bıə nı ki i nəfər mıstəğil, 6 nəfər siyasi muxtəlif partiyaonku iyən i nəfər həm ibtikar nomo bıə qrupiku hestin.

Bə Azərbaycan Respublika səçın mərkəziyə kamissiya elani əsos 900 nəfər çı beynəl xalğiyə təşkilaton əcumlə Avropa əmniyyət və həmkari onemononku həmçınin dınyo 59 qılə kişvəronku nımoyəndəoni ım intixabati çoknə dəvoniyə manitorinq kardən ki nəzurət kardən.

59 həzo nəfər həm kişvərədə səçıni çokə dəvoniyə nazironin ijən xarıci 51 qılə mediyaonku 118 qılə nımoyəndə çı Azərbaycan Respublika prezidentəti səçıni barədə xəbəon pevelo kardəne.

Səçın detosə məğri saət 7 dəvomış heste.