Çı Ermənistoni parlamenti partiya iyən qruponku Paşiniyani tələb.

Çı Ermənistoni dıvləti muxalifə qrupi lider votışe: parlamenti həmmə partiyaon və kamissiyaon bəbe beşərt etıroz əkəyon tələbon ğəbul bıkun.

Bə İrib raporti əsos İrəvanədə Ermənistoni dıvləti muxalif qrup iyən mədəniyə peymon nomo bıə partiya lider Nikol Paşiniyan ıştə tərəfdaron cəmədə elanış kardə ki be şərt de hakim partiya muzakirə karde tələbış kardə.

Paşiniyan təkid kardə ki çı Ermənistoni dıvləti muxalifon mubarizəku hədəf kişvərədə puli fəsod iyən Karropsiya sistemi məhv karde heste və əmə ıştə vindemoniku bə kənoni bə mandemon.

Tojədən Ermənistoni hakim oartiya sədr Karen Karaptiyan elanış kardə ki be şərt de muxalifon muzakirə kardero hozzoe.

Ermənistonədə dəvardə 2 haftə etıroz aksiyaon illət serj serkisiyani bənə kişvəri i minə vəzir vıjniyə ğeyd bıə.

Serkisiyan ki çımiku bə nav Ermənistoni prezident be de dıvlət sistemi əvəz bey parlamentədə bənə i minə vəzir vıjniyə bıə.

Isət Serkisiyani bə kəno mande bəpeştə Ermənistoni milli məclesi rəis Ara Baboliyan Mayə manqi 1ədə parlamentədə ijən co i minə vəziri vıjniyəku xəbəş do.