Çı İroni ətomiyə fəaliyəti sənədon vırə bə vırə karde barədə iddiyaon.
Azərbaycan Respublika xarıci vəzarətxanə sıxənəvot Hikmət Haciyev çı İroni ətomiyə fəaliyəti barədə iddiyo bıə sənədon Azərbaycan Respublikaku bə Fələstin işğal bıə sərzəmini oşvotoniye rəddış kardə.
Tojədən Kuveyti Əlcəridə numo bıə rujnomə iddiyaş kardə ki siyonist rejimi cəsusiyə təşkilat de Azərbaycan Respublika koməki ğeyri ğanuni sərhəddonku İroni ətomiyə fəaliyəton barədə iddiya bıə sənədon əvvəl bə ım kişvər iyən peşo Azərbaycan Respublikaku de təyyarə bə Fələstin işğal bıə ərazi bardə.
Tojədən siyonist rejimi iminə vəzir Benyamin Netanyahu mediyaon vədə i məcmoə sənədon nışoş do iyən iddiyoş kardə ki İron məxfi sorət bə ətomiyə fəaliyyəti məşğule.
Im iddio qıləy şərayetədəy ki ətom enerji beynəl xalğ təşkilati raportonədə hejo İroni ətomiyə fəaliyəton sulhin bey işorə və təsdiğ bıə.
Netanyahu 6 sor çımiku bə nav İ Bıə Milləton Təşkilatdə qıləy şikili nışo doe bəpeştə jıqo iddiyoş kardə ki İroni tədəfo bə ətom bombaon rəsəero kam mandəy.
Amerkə prezident çı ətomiyə təvafuği çərçivədə co kişvəron əks hejo ım muğavilə dəhəştin zınəşe və bə çəy əvəz karde təkid kardə ım cərəyonədə siyonist rejim həm de Trumpi siyasəton həmsədo bıə.
