İlham Əliyev tələbış kardə OPEK-İ omə iclos Boku şəhrədə bərpo bıbu.

Azərbaycan Respublika president İlham Əliyev opeki uzv iyən uzv nıbə məmləkətonku dəvətış karde ıştə omə iclosi Azərbaycan Respublika paytəxt Boku şəhrədə bərpo bıkən.

Bə Azərbaycan Respublika Azərtac nomo bıə rəsmiyə aqentəti xəbon əsosi Azərbaycan Respublika enerji vəzir Pərviz Şahbazov zinə opeki uzv və ğeyre uzv bıə məmləkəton vəziron 174 minnə iclosədə ki viyana şəhrədə bərpo be ım beynəlxalğə təşkilati omə iclosi Boku şəhrədə dəvoneyu İlham əliyeviku dəvətış  bə hozzı bə kəson rosnişe.

Şahbazov ım iclosədə votışe:Azərbaycan Respublika bənə qıləy ğeyre uzvə məmləkət opekı vədə bəştə doə vədəon əməlış kardə.

opekı uzvon çı təşkilati 174 minnə iclosi oxoyədə bıə bəyonotdə nati istihsali kam kardeyu bə təvafuği vədə bə 100 faizə əməl karde zərurəti işarəşon karde.

eyne holədə ğəror be opekı adiyə iclos 2018 minnə sori dekabri 3 nə ruji Viyana şəhrədə bərpo bıbo.