Tırkiyə səçınədə hakimə partiya səbarzətion, Ruhani bə Ərdoğan təbrik votışe.
İroni prezident Tırkiyə prezidentəti səçınədə Rəcəb Təyyeb Ərdoğani ijən bə səbarzəti rəse təbrik votışe.
Həsən Ruhani ım mesajədə umidvarəti karde ki tojə dıvrədə 2 qılə kişvəri miyono dostanə və bənə bovə bıə əloğəon çımiku vey zumand bıbu iyən məntəğə və islam dınyo təhəvolaton və hadisəon çərçivədə bo sulh, rifo iyən rohtətion çokə zəminə hozzo bıbu.
İroni prezident bo Tırkiyə millət həm rifo, səbarzəti, səlomtəti, muvəffəğiyət iyən hərə baxtəti ozodış karde.
Zinə Tırkiyədə həmzəman Tırkiyə parlemanti 26-nə dıvrə iyən prezidentəti sistemi çərçivədə i minə dıvrə prezidentəti səçın bərpo be.
Bə aşmarde bıə sədoon əsos Rəcəb Təyyeb Ərdoğan bə 53 faiz nezi cəmaəti sədoon kəsbış karde.
Parlemanti səçınədə həm Respublika koalisiya ijən təğribən 53 faiz sədoon bə dast vardışone Azərbaycan Respublika, Məcarıston və Albaniya prezidenton həmçınin Fələstin moxtariyəti dıvlət və təşkilati rəis iyən Ğətəri keral səçınədə Rəcəb Təyyeb Ərdoğani bə səbarzəti rəse təbrik votışone.
Tırkiyə Xalığ Respublika tələbə partiya namzəd Muhərrəm İnce ki Ərdoğani vey muhimmə və əsliyə rəğib be səçıni nəticə ğəbulış karde əmmo intixabati qıləy no bərobər və ğeyri ədolətinə rəğabət zınəş be.
Ankaraədə İroni səfir Muhəmməd Ebrahim Taheriyan Fərd həm Tırkiyədə ım 2 qılə səçıni muvəffəğ dəvoniyə bo Tırkiyə milləti iradəon əməli bey qıləy zumandə hərəkət zınə bəpeştə səçıni nəticə bə Tırkiyə millət və dıvlət təbrik votışe.
