Moon ıştə kinon perəsə vaxti çoko himoyə kardey bəzıneyn?
Pars Tudey,bo kinon nevcıvonəti çətin bıə fiziki,emosiyonal və sosyal əvəzon bə ico muşayiət beydə.Bın mərhələdə kinon həyotədə bənə həmməysə nezə insonon çe inon emosiyonalə dastəq vey vocibe.
Moon boştə kinon bənə iminə numunə çəvon şəxsiyyəti bə formə dəşeyədə dıjdə təsir nışon doydə.inon rəftoron,nəzə və erjon bə isə bə kinon təsir kardedə.Əqər inon bəştə kinon bəştəbovə və mıstəğiləti omuton,kinon həm bə cəmyəti dılə vey zumand iyən de qıləy mıstəğilə şəxsiyyəti daxil bəbeyn.
Emosiyonal əloğə:qıləy nığıl iyən təsirinə rabitə
Nuperəsəti devrədə inə iyən kinə miyono atifi və emosiyonal əloğə vey vocibe.ın rabitə bə kinon əmniyyət iyən himoyə hiss kardey koməq kardey bəzıne.ıştə kinon məsə iyən çəy hisson dərk kardə moə bəvon ıştə
şəxsiyyəton vey çok famero və çe saxtiyon mığobilədə həni həm zumand beyro koməq kardey bəzıne.
Ciddiyə məhdudiyyəton ğədəğəne!
Bənə fəoliyyəton dayimi monitorinq və ya sosyal dıtərəinə əloğəon ğədəğən kardey bıə ciddiyə məhdudiyyəton vey vaxti əks nəticə doydə.bə psixoloji təhğiğoton əsos,valideyni nəzorəti jiyədə bıə nuperəson boştə məxfiyəti xandi kardero,məsələn,ıştə duston və ya fəoliyyəton həxədə du votey bəzıneyn.ın rəftor nəyinki çe inə iyən kinə miyono dıtərəfinə bovə zəyif kardedə,bəlkəm bəvonədə bə ğəror ğəbul kardey hınə və mıstəğiləti inkişofi mane beydə.
Nəzorəti əvəzi təhsil
Valideynon çı məhdudiyyəton əvəzi bə kinon bənə təhlukəynə vəzyəton idorə kardey və ya aqahonə ğəroron ğəbul kardey riski jiyku beşey məhorəton omutey bəzıneyn.ım təlim çəvon bəştə bovə və ıştəni təmin kardey ğabiliyyəti bə formə dənoydə və əvoni bo vəomə hozzı kardedə.ıştə hisson ifodə kardero qıləy əmniyyətinə məkoni icod kardey,bo xıyzoni emosiyonal solimətiro qıləy sərmoyəy.de quş doey,hurmət kardey və ojə-oşkoə unsiyyət bastə holədə,moon ıştə kinon vucudədə həni həm zumandə əloğəon oney və vey inkişof kardə qıləy şəxsiyyət icod kardey bəzıneyn.
Həyoti MəhorətonTəlim:Mıvəffəğətiyon kilid
Moon bəştə kinon çe jimoni məhorəton omutə holədə əvoni bə qələy vey dıjdə dınyo daxil bey hozzı kardey bəzıneyn.bənə problemi həll kardey,ğəror ğəbul kardey və vaxti idorə kardey bıə məhorəton bə kinon yol bey iyən ozavziyeyədə veyə mıvəffəğətiyon bə dast vardey koməq kardedə.ın məhorəton bəçəvon şəxsiyyəti bə formə dəşey komək kardey kəno,həmən bəvon bəştəbovə hissi doydə.
İstedodon himoyə iyən zəyifə cəhəton miyoniku bardey
Har qıləy kinə bəştəməxsus istedod və hınəş heste.İnon de əvoni bə həvəs vardey və ro nışon doey,boçəvon istedodon kəşf kardey və zəyifə tərəfon çok kardey koməq kardey bəzıneyn.ın dastək bəvonədə bəştəbovə və motivasiya ziyod kardedə və inə de kinə miyono mısbətə mınosibət icod kardedə.
İslomi qiromiyə Peyğombər Həzrət Məhəmməd(s) çe kinə hırdənon həxədə jıqo hamyedə:“Çiki kinəş bıbu və bəy çok-çoki tərbiyə bıdo,yol bıko,bəy çokə elm omuto və Xıdovəndi bəy baxş kardə neməton bəy ziyodə əto bıko, həmonə kinə boştə valideyni bə cəhəndımi otəşi zidd qıləy sipər və puşnemon bəbe ”.
