Pakistan və 7 qılə islomiyə məmləkət fələstinıjon ğəzzəku beğandeşon məhkum kardə

Bə Pars Tudey xəbəron əsosi Pakistan de Səudiyə Ərəbıston,Tırkiyə, Misr, İndoneziya, İordaniya, Ğətər , İ bə ərəbə əmirətion bə ico ğəzzəku fələstinıjon məcburiyə holətədə beğandeyu bəyon bə planonışon de şiddəti məhkumışon kardə.

Bə telerədyo aqentəti nəğli əsosi Pars Tudey xəbəş doə ım 8 qılə məmləkəti xarici koon vəziron mıştərəkə bəyonotədə ki Pakistanı xarici koon vəzorətxonə tərəfo nəşr bə təkid kardə bə har qılə cəhd fələstinıjon ıştə sərzəminiku bə kuç məcbur kardeyu beynəlxalğə ğanunun iyən beynəlxalğə insundustə həxon oşkoə holətədə darışte və bə fələstinı milləti co nıbə ğanuniyə həxi sərost təhdid kardeye.