Olyanov: NATO sərkotib İroni atom bərnoməku hiç qıləy aqahətiş ni
Pars Tudey- Vyanaədə beynəlxalğə təşkilatonədə Rusiyə nımoyəndə İroni barədə NATO şimoli Atlantiki peymoni təşkiloti sərkotibi iddion rəddış karde və votışe əv İroni atom bərnomə barədə hiç qıləy aqahətiş ni.
Bə Pars Tudey raporti əsos ki İrnaku nəğlış karde Vyanaədə beynəlxalğə təşkilatonədə Rusiyə nımoyəndə Mixail Olyanov pencşəmbə rujədə X sosyal şəbəkədə Nato şimoli Atlantiki peymoni təşkiloti sərkotib Mark Rote sıxsnon barədə nıvıştəşe: ım şəxs iddioş karde ki Natoədə vey barzə icroəkə rəsmiyə şəxse. De diğğət bə çəy sıxanon, əv İroni atom bərnomə barədə hiç qıləy aqahətiş ni.Olyanov ijən təkidış karde: ğərbədə Rote zəifə məhorət və aqahəti, qıləy həğiğiyə fociəy.İjən çoşəmbə rujədə Rote de işorə bə ğəhrəmonəti vızməti nomo məşhurə əməliyot ijən votışe: cari Feverali 28 minnə rujiku təğribən 5 həzo təyyorə bə İroni ələyh canqiku himoyədorəti kardeyədə Avropa hərbi mərkəzonku bə osmon şən. Əv Amerkə əməliyotədə de işorə bə Avropa hərbi strukturon rol ijən votışe: jığo votey bəzne ki ım əməliyot de Avropa koməki nıbey ki bənə Amerkə İ Bıə Ştaton ğudrəti ovoştoniye və nımoyeşi səkko be, əmələdə vey saxt ya ğəyri mumkin be.
