Azərbaycan Respublika silahlinə ğıvvə yolə manevr təşkil be.
Azərbaycan Respublika mudafiyə vəzorətxonə de ım məmləkəti 20 həzo əsqəri iştirak karde Azərbaycan Respublika silahlinə ğıvvə manevri təşkilbeku xəbəş do.
Bə Ğəfğazı mədəniyə mərkəzi ımrujnə xəbon əsosi Azərbaycan Respublika mudafiyə vəzorətxonə qıləy bəyonotdə elanış karde de Azərbaycan Respublika president İlham Əliyevi əmri əsosi Azərbaycan Respublika silahlinə ğıvvə fərmondəon ıştə manevrışon təşkil karde ki çəy hədəf həm ım məmləkəti hərbiyə ğıvvə inkişaf doe elan bə.
ım manevrədə ğərore məmləkəti silahlinə ğıvvon tojə silahon həm imtivon bıbon.
Həminə cəhətdə Azərbaycan Respublika mudafiyə vəzir Zakir Həsənov şanbə ruji ijən bə Ermənistan xəbərdarətiş do canqu vəy qəteyu Ğərəbaği munağişə həl kardeyu təciliyə holətədə qıləy ədolətinə ro nəzədə bıqəto.
ım manevr ki zinə təşkil bə desbə 2018 minnə sori iyoli 6 nə ruji dəvomış heste.
