Azərbaycan Respublikaədə xarıci ğarz ziyod be.

Azərbaycan Respublika maliyə vəzir ım kişvəri xarıci ğarzon ziyod beyku xəbəş do.

Bə Apa aqentiyəti raporti əsos Samer Şərifev kişvəri xarıci ğarzon ziyod bey illətonku qıləy ni mənoti məzənə və dollari vədə daxıli milli məhsolon kam bey zınəş be.
Samer Şəriyev co illəti ım kişvəri bankon tərəfo xarıci kırditon bə uhdə qəte elanış karde ki bo banki-moli sistemi çok karde xoto əncom bəy və çəy miğdor 2 milyard və 3 sa milyon dollare.
Azərbaycan Respublika maliyə vəzir həmçınin cənubi qaz dəhlizi proyektədə ım kişvəri iştiroki co qılə illətonku elanış karde ki çandə dıvləti tərəfo xarıci bankon kırditon qarantiya karde bois bıə.
çımiku bə nav Russiyə aqentiyətion nəğliku Azərbaycan Respublika xarıci ğarzon miğdor 12 milyard dollariku vey elan bıən.
Azərbaycan Respublika rəsmi statsikaon tojədən ım kişvəri və Aliyota xəzinəon 70 faiz kam beyku xəbə doe bən.