Azərbaycan Respulika zindononədə məhbuson işkəncə dəvom kardedə.

Avropa şuraədə de işkəncə mubarizə barde nomo kamissiya Azərbaycan Respulika dıvlətiku tələbış karde ki ım kişvəri zindononədə bə məhbuson işkəncə doe vəzyəti orəx bıdə.

Bə Aran Niyoz raporti əsos ım təşkilati koşınason raport nışo doyə ki dəvardə 5 sori mıddətədə işkəncə, polis ğıvvon bədə rəftori, ğanuni cəzo ədolətinə vəzyəti nı bey və məhboson çı vəkil qətə həxiku məhrom mande vəzyət Azərbaycan Respulikaədə dəvom peydo kardedə.

Im raportədə ijən təsdiğ bıə Boku rəsmi şəxson bə ım kamissiya daimə notaon əməl karde əvəzi ijən de məhboson bədə rəftor kardedən və həbsədə həmçınan jenon və məhboson həx-huğuğon poymol bıdə.

Ğeyd kəmon ki ım raport detos bə ısət bənə qıləy məhrəmonə raport oqətə bıə be və Boku hukumət çəy detalon barədə xəbəon muntəşir be icozə bə Avropa şura doeş nıbe.