Ğərəboğədə xarıci şəhrvandon fəaliyəti barədə Azərbaycan Respublika niqəronion.

Azərbaycan Respublika xarıci vəzarətxanə sıxənəvot Ğərəboğ bandiyə məntəğədə xarıci şəhrvandon harcurnə fəaliyəti barədə xəbə dorətiş do.

Bə İrna raporti əsos Hikmət Haciyev zinə elanış karde: Ğərəboğ çı Azərbaycan Respublika sərzəmine iyən Erməniston ım məntəğədə iğtisodi fəaliyəton əncom doero həxış ni.

Əv əlovəş karde: Ğərəboğədə məskoniyə vırəon soxtə, ğeyri bomi şəhrvandon vədə doe, təbii ehtiyaton və mənbəonku istifodə karde, inferasteroktori əvəz karde, rabitə şəbəkəonku istifodə karde iyən mədəniyə irson əvəz karde barədə Erməniston bəpe cəvob bedə.

Azərbaycan Respublika xarıci vəzarətxanə sıxənəvot beynəl xalğiyə icmaon, huğuği və həğiği şəxsonku tələbış karde ki Ğərəboğədə ğeyri ğanuni iğtisodi fəaliyəton nəticəon nəzərdə beqəton.