Azərbaycan Respublikaədə şimal-cənub beynəlxalğə osınə ro baxş hozzı bə.

Azərbaycan Respublika osınəro devlətiyə şirkəti rəis de Rusiyə ro vəzorətxonə muavini təşkil doə vindımonədə,ım məmləkətdə şimal bə cənub osınəro 1 minnə mərhələ kamil beku xəbəş do.

Bə telerədyo ımrujnə xəbon əsosi Cavid Ğurbanov de Alan Loşinkof təşkil doə vindımonədə votışe: ım ro ne fəğət Azərbaycan Respublika, İron və Rusiyə ticariyə əlağon inkişafiyu təsir bənoy bəlkə kamil be bəpeştə Kaspi deyo ətrofədə bə məmləkəton ticariyə əlağonru de siyohə deyo porton çokə şərayet təşkil bəkay.

Alan Loşinkof həm ım iclosədə işarəş karde şimal-cənub osınəro,şimaliyə avropa bə Asiya cənub şərğ bərosne və eyneholədə çı beynəlxalğə royku boon həmli  cəzb karde zərurətiku işarəş karde.

şimal-cənub osınəro beynəlxalğə nəğliyati bə ro dəğande roziyəti 2000 minnə sori sentiyabrə manqi Rusiyə Sankpiterborqdə ım məmləkət,İron ,Azərbaycan Respublika və hindostani nəğliyat vəziron imzaədə təşkil be.

ım osınəro Asiya və Avropa miyonədə ticarət karde muhimmə halğəy ki nakonə dəb bə roon muğayisədə məsafə iyən zəmani cəhətdə 40 faiz kırt və ğeyməti cəhətdə həm 30 faiz ercun bəbe.

ım osınəro kamil beədə əvvəl ha sor 5 milyon ton vəsilə çı royku bəndərəbasiku desbə Rusiyə və Avropa şimaliyə məmləkəton de kamə xərci vırə bə vırə bəbe.