İroni prezidenti məxsusə nımoyəndə de Ərdoğan vindemonış karde.

İroni prezidenti məxsusə nımoyəndə Məhmud Vaezi zinə şəv Ankaraədə de Rəcəb Təyyeb Ərdoğan vindemon və Həsən Ruhani mesaji bə Tırkiyə prezident doşe.

Bə İrna raporti əsos ım vindımonədə ətomiyə təvafuğ və Amerkə tojə sanksiyaon vədə İroni və Tırkiyə mıtəğabilə siyasəton barədə sohbət be.

Rəcəb Təyyeb Ərdoğan həm bə Tırkiyə iradəon de Tehron əloğəon inkişof doe və ehtımaliyə manəon çoknə peqətə təkidış karde.

Tırkiyə prezident umidvar be benızonədə de Ruhani vindımonış bıbu.

İroni prezident aparati rəis Məhmud Vaezi çımiku bə nav de Tırkiyə xarıci vəzir Mulod Çavoş Oğlo həm vindımon və 2 tərəfiyə mıvzoon barədə sohbətış ka.

Im vindımonədə Vaezi bə de Tırkiyə əloğəon həmmə sahəon və beynəl xalğ iyən məntəğə səviyədə təkidış karde və Tırkiyə xarıci vəzir həm ijən votışe ki Ankara bə İroni əleyh de Amerkə sanksiyaon icra karde movafiğ ni.

İroni prezidenti məxsusə nımoyəndə çımiku bə nav həm təkidış kardə be ki bə mıstəğilə kişvəron Amerkə i tərəfiyə fişar və sanksiyaon icod karde əsr dəvarde.

Tırkiyədə Məhmud Vaezi vindımonon ijən dəvom kardedə.