Azərbaycan Respublika:Kaspi deyo huğuğiyə statusi konvensiya imza(ğul kəşe) muhimmə ğədəme.
Azərbaycan Respublika xarici koon vəziri muavini votışe:Kaspi deyo huğuğiyə statosi təin kardeyu konvensiya imza karde ğəzağstanı Aktao şəhrədə ki çı deyo 5 qılə sahiliyə məmləkəton prezidenton tərəfo təşkil be məntəğəyu muhimmə ğədəme.
Bə İRNA zinə xəbon əsosi Xələf Xələfov de Azərtac rəsmiyə aqentəti xususiyə mısohibədə omidvar mande ım imza bə sənəd təcili ım məmləkəton məclisonədə həm təsdiğ bıbo.
Azərbaycan Respublika xarici koon vəziri muavini əlavəş karde ım konvensiya Kaspi deyo huğuğiyə statosiyu qıləy mukəmələ sənəde və eyne holədə Kaspi deyo ətrofədə bıə məmləkəton həmkarətion mıxtəlif baxşonədə bə keyfiyətinə tojə mərhələ daxil bəkay.
Xələf Xələfovi işarəş karde ki Kaspi deyo əmniyət və oroməti hifz karde ım deyo ətrofədə bıə məmləkətonro həmmişə xususiyə əhəmiyətış bə və əlavəş karde Kaspi deyo məntəğədə həmkarəti karde bə həmmə məmləkəton faydon diğğət doeədə bə hakimiyəti həx iyən ərazi təmamiyəti ehtırom noe əsosi təncum bedə.
