Az.R-ədə turizmi inkişaf

Az.R Devlətə Statistika Komitə məmləkətədə bə turizmi inkişafi dair statistik rəğəmon elan kardəşe.

2018-minə sori yanvar-iyulə manqon arədə bə Respublika səfər kardəkəson miğdar bə ponə sori ım devri nisbətədə ziyod bıə. Nezə Şərğ məntəğəku oməkəson 54% vey bıə. Imon əsasən çe İbə Ərəbə Əmiraton, Səudoyyə Ərəbıstan, İrağ, Kuveyt, Omano omə səyahətkaronin. Çənubi və Şərği Asiya məmləkətono omə turiston miğdar 112 həzo nəfər bıə ki, ımən bə ponə sori munasibətədə 57% ziyode. Çe İrono bə Respublika səfər kardəkəson miğdar 166 həzo nəfər bıə ki, ımən bə dəvardə sori nisbətədə 21% kame.

“İslamazeri.com” nıvıştedə ki, bə Az.R turizmə şirkəton rəğəmon əsasən dəvardə sori azərbaycanıjon bo istirahət karde ən vey (22 həzo 461 nəfər) bə Turkiyə dəro qıniən. Dıminə vırədə İroni ğəror qətəşe. Ponə sori əyo çe Respublikaku 5568 nəfər turisti istirahər kardəşe. 2014-minə sori ım rəğəm 2513 nəfər bıe. 

Umumən isə çe Az.R-ku bə xaric şə şəhrıvandon miğdar 9% ziyod bıə, bə 2 milyon 514 həzo nəfər rəsə. Çımonən 33% bə Qurcistan, 24% bə İron, 22% bə Rusiya, 15% isə bə Turkiyə şəkəsonin.

Bı muddətədə bə İron şəkəson umumi miğdar 31%, bə Qurcistan şəkəson 0,9% ziyod, bə Turkiyə şəkəson 5,5, bə Rusiya şəkəson miğdar isə 2,6% kam bıə.