Yəməni bə Əl-Muxa porti rəketə hucum

Pars Tudey-Xəbə mənbəon Yəməni silohinə ğıvvon Yəməni ğərbədə vağe bıə Əl-Muxa portədə Səudiyyə Ərəbıstoni tərəfiku dastək doə bıə unsuron mevğeyon rəketə hucumon kardeyışon bəyon kardə.

Pars Tudey bə IRNA istinodən doə məlumoti əsos,Yəməni ləşkər ijən həm ğərbi Təiz əyolətədə vağe bıə Əl-Muxa portədə Səudiyyə Ərəbıstoni tərəfiku dastək doə bıə unsuron hərbi mərkəzonış de rəketi hucumi hədəfışon seyə. Əl-Cəzirə Xəbə Şəbəkə həm Əl-Muxa portədə bə qıləy rəsmi istinodən rəketə hucumi ziyon və xərobətiyon icod kardeyış bəyon kardə.Bumiyə mənbəon Yəməni silohinə ğıvvon bın nuyə hucumədə çe dıqlə ballistikə rəketiku istifodə kardeyışon elon kardə.