Qurcıstonədə radikalə Azəri mediyaon cəmaəti bə etıroz aksiyaon dəvoniye dəvət kardedən.
Azəri radikalə mediyaon Qurcıstoni paytəxt Teflisədə Azərion bə yolə etıroz aksiyaon dəvoniye dəvət və təhrik kardedən.
Bə Yeni Mısavat partiya raporti əsos ım aksiya ımruj Qurcıstoni milli iclosi həmzəman bərpo bıdə.
Tırkıston internetiyə sayt ım aksiya barədə bə cəmaəti viyə iştirok vey omidvar be iyən əvış vey muhimmə aksiya hisob kardedə.
Riport internetiyə sayt həm qıləy təhlilədə Qurcıstonədə bıə Azərionış ım kişvəri vey əsli iyən yolə Etnik qrup hisobış karde iyən Ermənistoni lobion və dıvləti bə Qurcıstonədə irğçiyə rəftoron bənav barədə mıttəhəmış ka.
Tojədən Qurcıstoni dıvlət Qurcestoni qıləy Erməni ənıştə məntəğəon Afalkalakiədə çı Ğərəboği canqi qıləy Erməni fərmondəon Mikail Avakiyani hikli ğərorış doe ki ım hərəkət çı Ğurcıstoni Azərion norohtəti bois bıə.
Qurcıstonədə ısət Azərion ım hikli məhv karde tələb kardedən.
