Bə Azərbaycan Respublika İroni ixracati miğdor ziyod bəbe.
Bokuədə İroni səfir dəvardə sori muğaisədə bə Azərbaycan Respublika İroni ixracati ziyod beyku xəbəş do iyən votışe: de kəşə bıə plani iyən zəminəon hozzı bey hukmən ım miğdori bə 5 milyard dollari rosniye bəznımon.
Bə İrna raporti əsos Cəvad Cəhanqirzodə Biləsəvar sərhəd terminalədə qıləy ojbemon mərasimədə İron iyən Azərbaycan Respublika qomruk idarə rəsmi şəxsonku ğədrdonətiş karde iyən votışe: dəvardə sorədə İron iyən Azərbaycan Respublika miyono 4 qılə sərhəd terminaliku 3 qılə terminalonədə bə musafiron iyən turiston xidmət karde 24 saaətədə ko kardedə.
Əv əlovəş karde: Ostaniyə zərfiyəton sayədə bəbe ticarət iyən iğtisod əloğəon çimiku həm vey zumand bıbu.
İron iyən Azərbaycani miyono 4 qılə sərhəd terminalon Şahtəxti-Poldəşt, Colfa, Biləsəvar iyən Ostoroku iborətin.
