İşğaliyə Colani barədə islam partiya eterazinə bəyaniyə.

Azərbaycan Respublika islam partiya çı Suriyə işğaliyə Colan məntəğə barədə Donald Trampi tojə ğəroli beynəl xalğ ğanuni ləğv karde nımunə zınəş be.

Bə İrib raporti əsos ım bəyoniyədə təsdiğ bıə: Suriyə işğal bıə Colan məntəğə barədə Trampi ğərol subut kardedə ki Amerkə hejo İ Bıə Milləton Təşkilat və dıvləton ərazi təmamiyyəti ıştə mənafe və sionist rejimi vədə ğəboni kardedə ki beynəl xalğ iştimaiyyət bəpe bəy diğğət bıkən.

İslam partiya bəyoniyədə ğeyd bıə: İsrail rejimi bino bey faxti məntəğədə deheşt iyən tarsi bə kəno co kişvəronədə sərzəminon həm de ım xərçənq və zi vasitə işğal bıə.

Im bəyaniyə dəvomədə təkid bıə: kənosiyə, nəslon məhv karde iyən ıştə sərzəminiku cəmaəton avarə karde bənə Suriyə Colan məntəğə işğal karde hiç faxt İ Bıə Milləton Təşkilati tərəfo təsdiğ bə ni.

Colan məntəğə barədə çı Azərbaycan Respublika islam partiya bəyaniyə oxonə baxşədə təsdiğ bıə: Trampi siyasəton nə fəğət bo Asiya Ğərb bəlkəm bo Azərbaycan Respublika ki çəy sərzəminiku 20 faiz işğal bıə bənə təhdid hisob bıdə.