İron Bə Dınyo İrsi Siyohi daxil bıə 10 qılə kişfəri miyone

Pars Tudey-İroni vəziri mıovin və mədəni irsi vəziri mıovin İron Bə Dınyo İrs Siyohi daxil bıə 10 qılə kişfəri miyone beyış bəyon kardə və votəşe:Ələmuti Ğalə ko UNESCO-ədə bənə İroni 30-ə milli iftixori ğeyd kardey bıə.

Pars Tudey bə IRNA istinodən doə məlumoti əsos,İroni vəziri mıovin və mədəni irsi vəziri mıovin Əli Darabi İroni xalğış de Ələmuti Ğalə və deəy əloğədor istehkomon bə dınyo ğeydiyyoti sey mınosibəti təbrikış kardə və bəyonış kardə:Cənubi Koreya Busan şəhrədə dəvordınə bıə Dınyo İrsi Komitə 48-ə sessiyaədə Ələmuti Ğalə ko və çəy istehkomon de İroni Mədəni İrs,Turizm və Dasti Koon vəzir Seyd Rıza Salehi Əmiri iştiroki etıroz nıbə holədə de yekdıləti ğeyd kardey bıə.Çın ğalə de İroni əjododon anqıl memorəti,elm və zıney,idorəkardey və mıdofiyə sistemi sahəonədə qıləy unikalə əsər bey bəyon kardə Darabi,əlovəş kardə:diyəroə dəvardəyonədə 400.000 cild kitobış bıə qıləy dıjdə kitobxonə hestebe.Darabi bəyonış kardə:Ələmuti Ğalə UNESCO-ədə bənə de İroni siminə obidə bə ğeydiyyot sey çe İroni mədəni irsi ğeydiyyotədə çe dınyo həmməysə çokə 10 qılə kişfəronku qıləyni bıə. Ğəzvini əyoləti Ələmuti məntəğədə vağe bıə Ələmuti Ğalə çe İroni torıxədə hərbi və strateji memarəti həmməysə barzə nımunəonku qıləyni hisob kardey beydə.In torıxi Ğalə çe Ğəzvini şəhriku təxminən 105 kilometr məsofədə və "Qazerxan" di şimol-şərğədə inşo kardey bıə.