Amerkə dıvlət anti İron canqi xərcon məxfi kardedə

Amerkə demokratə senator votışe: Amerkə canq vəzir mərdumiku anti İron canqi xərcon məxfi kardedə.

Bə İrna raporti əsos, Amerkə Kenetiket ştati demokratə partiya nımoyəndə Kris Morfi ki bə Asiya Ğərb məntəğə səfərış kardə be həminə mətləbi bəyon kardey kənoədə votışe: Trampi dıvləti canq vəzorətxonə bəmə çı Ğətərədə bıə Amerkə hərbi bazaonku vindemoni icozə nıdoşe.Əv Ərəbistonədə bıə Amerkə səforətxonə vironiyonış vey hevuj vəsfış karde iyən təkidış be ki in miğdor xərobiyon jəğo nıbe ki Amerkə canq vəzorətxonə çəvon barədə bə milləti raport doəş be.Morfi Ğətər iyən Ərəbistoniku oqardey zəmonədə votışe: əqər həmonə həmlə rujədə əncom bıdə be hukmən Amerkə kıştə bıə şahrvandon ədəd həm vey əbi.Amerkə Kenetiket ştati demokratə partiya nımoyəndə Pentaqoni mıttəhəmış karde ki anti İron canqi zərəl-ziyoni barədə Konqresi nımoyəndəonku vey həğiğəton məxfiş kardə iyən xususi canq vəzir Heqset ın canqi xərcon çı Amerkə mərdumiku məxfi kardedə.