Azərbaycan Respublikaədə hərbion işkəncə və ğətli barədə fakton.

Azərbaycan Respublikaədə əmniyyəti koon barədə təhğiğəkə işkəncəon jentonədə ım kişvəri 14 nəfər hərbion kıştə beyku xəbəş do.

Bə Pres Tv Az raporti əsos Ərəston Urucov ğeydış karde: bə cəsosəti mıttəhəm bıə hərbion barədə təhğiğ karde zəmonədə məlom be ki ım kişvəri mudafiə vəzarətxonə daxıli əmniyyət şobə məmoron tərtər məntəğədə 200 nəfər dəstqir bıə Azəri hərbion işkəncə doe zəmonədə 14 nəfəri kıştəşone.

Im reportədə təsdiğ bıə ki çandə dəstqir bıə hərbion həm şiddətinə işkəncəon xoto eflic ya xot de pesixi noxəşion dim bə dim bıən.

Azərbaycan Respublikaədə əmniyyəti koon barədə təhğiğəkə əlovəş karde: qırd həmmə ım cinoyəton 2016-nə sori Aprilə manqədə bıə hərbi əməliyoton tələfoti barədə məxfi raporton bəpeştə əncom bıə.

Bə həminə raporti əsos, Azərbaycan Respublika mudafiə vəzarətxonə daxıli əmniyyət idarə yol Ramil Əkbərev iyən hərbi məhkəmə Sər Prokuror Xanlar Vəliyev şiddətinə işkəncəon icozə sadirışon karde.