Hokuməti bə kali tərəvəzə məhsulon idxal-ixraci rusum tətbiğ kardışe

Orəxnə vaxtonədə Respublika vıjoronədə kali tərəvəzə məhsulon – kartof, kələm və piyozi ğıyməti 2 ğatisən vey ros bıe bə əhali noroziəti səbəb bıe. İğtisadiyyat, həmən Di Təsərrufati vəzarəton de ım ğıyməton bə səhmon varde məğsədi aprelə manqi 5-ədə bahəm bə ğəror omin ki, həmonə məhsulon ixracatə rusumi bə 2-3 manqi muddət ziyod bıkon.

Bə kartofi har 1 kilo 1 dollar, bə kələmi isə 2 dollar ixracə rusum muəyyən kardışone. “Report” sayti bə İğtisadiyyati vəzir Sahin Mustafayevi votəyon əsasən xəbə doşe ki, bə piyozi idxali rusum bo 2 manqi muddəti ləğv bəkarden, ki ım məhsuli bə məmləkət idxali ro stimul barz bıbo.

Əmo hokuməti ım tədbir bə fermeron etirazi səbəb bıe. Məxsusən çe Cəlilobod və Şəmkuri kartof perosniə sahibkaron kartofi ixracə rusumi bə 1 dollar ros kardeku bərk norozi mandin, bımi de ıştə etirazə aksiyaon cəvob doşone. İğtisadi təhlilqəronən hokuməti ım tədbir tənğid kardışone. Sabiğ maliyyə vəzir professor Saleh Məmmədovi bə “Musavat. com”i votışe ki, har sori ım manqonədə kartofi ğıyməti boho bıe xarakterik qıley hole, de kanə sori məhsulon kam bıe, tojə sori məhsulon hələ bə vıjor benışe əlağədare. Tojə məhsulon vıjori pur kardə bəpeşt ğıyməton vıjori tərəfo bə səhmon eqınidə. Hokuməti bə kartofi səpe anğədər barzə ixracə rusum tətbiğ karde ım məhsuli perosniə fermeron təmom muflis bəkarde. Bı səbəbən çey ım ğəror sərost ni.

Bə “Fakrtxəbər.com” sayti aprelə manqi 9-ədə doə xəbə istinadən, hokuməti  kartofi ixraci səpe noə rusum ləğv kardəşe. Sərhəd-kemrukə məntəğonədə mandə bə kərtof kırniə maşinon sərhədi ovaşte icazə doəşone.

Əmo məmləkəti daxili vıjori, həmən xarici ticarəti çe monopoliston inhisariku xilas karde ro hokuməti məqəvuji hiç qıley proqram və təklif nişe. Mili Məclisən bımi ro jı qıley ğanun ğəbul karde holədə ni.

Bə kartofi har 1 kilo 1 dollar, bə kələmi isə 2 dollar ixracə rusum muəyyən kardışone. “Report” sayti bə İğtisadiyyati vəzir Sahin Mustafayevi votəyon əsasən xəbə doşe ki, bə piyozi idxali rusum bo 2 manqi muddəti ləğv bəkarden, ki ım məhsuli bə məmləkət idxali ro stimul barz bıbo.

Əmo hokuməti ım tədbir bə fermeron etirazi səbəb bıe. Məxsusən çe Cəlilobod və Şəmkuri kartof perosniə sahibkaron kartofi ixracə rusumi bə 1 dollar ros kardeku bərk norozi mandin, bımi de ıştə etirazə aksiyaon cəvob doşone. İğtisadi təhlilqəronən hokuməti ım tədbir tənğid kardışone. Sabiğ maliyyə vəzir professor Saleh Məmmədovi bə “Musavat. com”i votışe ki, har sori ım manqonədə kartofi ğıyməti boho bıe xarakterik qıley hole, de kanə sori məhsulon kam bıe, tojə sori məhsulon hələ bə vıjor benışe əlağədare. Tojə məhsulon vıjori pur kardə bəpeşt ğıyməton vıjori tərəfo bə səhmon eqınidə. Hokuməti bə kartofi səpe anğədər barzə ixracə rusum tətbiğ karde ım məhsuli perosniə fermeron təmom muflis bəkarde. Bı səbəbən çey ım ğəror sərost ni.

Bə “Fakrtxəbər.com” sayti aprelə manqi 9-ədə doə xəbə istinadən, hokuməti  kartofi ixraci səpe noə rusum ləğv kardəşe. Sərhəd-kemrukə məntəğonədə mandə bə kərtof kırniə maşinon sərhədi ovaşte icazə doəşone.

Əmo məmləkəti daxili vıjori, həmən xarici ticarəti çe monopoliston inhisariku xilas karde ro hokuməti məqəvuji hiç qıley proqram və təklif nişe. Mili Məclisən bımi ro jı qıley ğanun ğəbul karde holədə ni.