Lokbatanədə etıraz aksiyaon bərpo bəbe.

Boku icra hakımiyət ijən ım şəhrədə milli şura etıraz aksiyaon ğeyri ğanuni bə hisobış varde və təkidış karde ki çəy əvəzi Lokbatan Ğəsəbədə aksiyaon dəvoniye bəbe.

Im qılə holədəy ki Azərbaycan Respublika muxalifə milli şura təhdidış kardə be əqə Bokuədə ğanuni aksiyaon dəvoniyə imkan nıbu ım şura Noyabri 2-nə ruji be icozə Bokuədə aksiyaon bərpo bəkan.

Oktiyabri 19ədə milli şura navonə aksiyaon ki ğəroli be Bokuədə bərpo bıbu de Azərbaycan Respublika polis iyən əmniyyətiyə ğıvvon hevujə həmləon ləğv be.

Im aksiyaon bois bıə ki məsələn Azərbaycan Respublikaədə islahaton fəğət çand qılə rəsmi şəxsi ya xot vəziron əvəz karde çərçivədə əncom bıbu.

Muxalifon milli şura Boku dıvləti bə iğtisodi bıhrani həl nıkarde iyən Ğərəboği sulh muzakirəonədə zəifəti mıttəhəm karde.