Tacikistanədə İŞİD terroristiyə qrupi tojə cinoyət.
Nov 09, 2019 23:31 Asia/Tehran
DAEŞ terroristiyə qrup bə Tacikistanədə qıləy sərhəd hərbiyə ğərorqo xuninə həmlə məsuliyəti bə ohdəş qəte.
Bə Fransə aqentiyəti raporti əsos, İŞİD terroristiyə qrup rəsmən elanış karde ki ım təkfiri Vəhabiyə qrupi uzvon 4 şambə sıb bə Ozbəkistani sərhəd nezi Tacikistani qıləy hərbiyə ğərorqo və mərkəzi həmlə kardəşone.
Çımiku bənav Tacikistani daxıli koon vəzarətxonə həm elanış kardə be ki DAEŞ terroristiyə qrupi uzvon ım həmlədə 17 nəfər terrorist kıştə iyən 5 nəfər zəxmin bıən.
Tacikistani kişvər vəzarətxonə bəyaniyədə ğeyd bıə ki ım həmlədə çandə terroristonku silah və sur-sat bə ğənimət peqəte bıə iyən 2 nəfər Tacikistani hərbion kıştə bin.
DAEŞ dəvardə i sori mıddətədə 3 kərəku vey bə Tacikistani hərbion həmləş karde.
