Pezeşkiyan:12 rujə canqədə dınyo bə yolə ironi zumandəti şohid be

İroni prezdent Məsud Pezeşkiyan de sionist rejim və Amerkə canqi ğət be mınosibəti qıləy mesajədə ironi milləti həmmə baxşonədə bıə cəmaətiku ğədrdanətiş karde.

İroni prezdent bə ironi millət qıləy mesajədə elonış kardə ki əmə bə milləti tov varde iyən mığavimət peştpurimon və nığılə holətədə bovəmon heste ki ım səbarzəti bə vəhdət iyən oroməti və həmohənqəti aide ki ım mıddətdə oşko be və votışe: ım tarixiyə səbarzəti həmmə fəxron bə yol iyən mədəniyyət əsoxtə milləti aide ki əqər ğddarə deşmen bə çəy dəvardə rujon çok dığğət ədi heç vaxti bə jıqo xəto ro nədi.

Məsud Pezeşkiyan əlovəş karde bəpe cəhd bıkəmon erjinə vəhdət ki icod bə və məmləkəti həmməysə yolə sərmayə heste dəvom pəydo bıkə.

əmə de iyandı peştpurəti ımrujnə rujiku qıləy çok və ruşinə tale və zumandə ironiyu iyandı kənoədə hestimon.