Azərbaycan Respublikaədə milli məclesi vədoe iyən faxtiku bənav parlament səçıni dəvoniye tələb.
Azərbaycan Respublika i minə vəziri muavin ım kişvəri milli məclesi vadoe iyən faxtiku bənav parlament səçıni dəvoniye tələbış karde.
Bə Azərtac aqentiyəti raporti əsos əv bə Yap partiya ğərolon işorəş karde və votışe: prezident İlham Əliyevi tərəfo əncom bıə islahat bəpe ğanon çərçiviku xaric nıbu.
Hal hazirədə Azərbaycan Respublika parlamenti viye nımoyəndəon Yapçionin ki parlamenti vea doe tələb həm çəvon tərəfo bəyon bıə.
Aqə Azərbaycan Respublika milli məclis ləğv bıbu ısətnə nımoyəndəon karde bəznin detosə faxtiku bənav səçıni bərpo bey zəmoni bəpeştə fəaliyəti dəvom bıdən.
Kali təhlilçiyon ım ğəroli, İlham Əliyevi həyot həmro iyən prezident muavin Mehriban Əliyev vea vırə zumand karde çərçivədə bə hisob vardedən.
Parlament səçın ğərar be ki ome sori Noyabrə manqədə bərpo bıbu.