Azərbaycan Respublikaədə hicabi vədə məhdudiyəton bəpe ləğv bıbu.

Cumə dini cəmiyəti rəis votışe: Azərbaycan Respublika təhsil orqanon iyən pasport sadir karde ğanunədə anti hicab ğərolon bəpe ləğv bıbu.

Hac İlğar İbrahim Oğlo ıştə zinə ruji mısohibədə bə Dəyərləy sayti jurnalist votışe: İlham Əliyevi tojə sıxənon de Azərbaycan Respublikaədə bıə cari vəziyət həmohənq ni.

İlham Əliyev tojə elanış kardə be ki Azərbaycan Respublika və Avropa anti islam siyasəton miyono interqrasiya ə be ni.

Cumə dini cəmiyəti rəis Hac İlğar İbrahim Oğlo bə lomğaiyət universtədə anti hicab məhdudiyəton işorəş karde və votışe: əqə Boku dıvlət dindar və imoninə şəhrvandon ozodəti təmin bıkə əvon həm kişvəri vey çokə ğanuni rioyətəkə şəhrvand bəben.

Cumə dini cəmiyəti rəis Hac İlğar İbrahim Oğlo əlovəş karde: kişvərədə anti hicob məhdudiyəton çı Boku dıvləti bəzi rəsmi şəxson nadırıstə dərk və famiku icod bıə.

Azərbaycan Respublikaədə Miladi 2009-nə soriku de pesoxtə bıə bəhanəon hicob ğədəğən elan bıə və hol ım kişvəri cəmiyəti 98 faiz mısılmonin.

Azərbaycan Respublika məçidonədə həm çımiku bənav əzani pəxş karde ğədəğən elan bıə be.