Zərif: Yolə ğudrəton məntəğədə bıhran icod karde himoyə əkə nin.

Çabəharədə İron, Rusiyə iyən Çini 3 tərəfi dıyo manevri bəpeştə İroni xarıci vəzir votışe: ım manevr nışoş do ki yolə kişvəron məntəğədə bıhran icod kardeyku himoyə əkə nin.

Muhəmməd Cəvad Zərif zinə şəv bə Moskva varid bey faxti, Çabəharədə 3 tərəfiyə dıyo manıvri vey muhimmə hərəkət bə hisobış varde ki İroni iradəon xusosi beynəl xalğ əvonədə əmniyyət və ozodəti oqəte çərçivədə nışoş do.

İroni xarıci vəzir votışe: ım manıvr sobotış karde ki İron çı dınyo ticarət əmniyyət və stabiləti pidəşe.

Əv ıştə bə Rusiyə səfəri barədə həm bə İron və Rusiyə miyono bıə stratejik əloğəon işorəş karde və votışe: ım səfərədə de Rusiyə xarıci vəzir Serqey Lavrof muxtəlif mıvzoon barədə muzakirə votımon bəkamon.

İroni xarıci vəziri siyasi muavin və İroni xarıci vəzarətxonə sıxənəvot həm ım səfərədə de Zərif bə i coin.