Qeneral Suleymani şəhadəti xəbə məntəğə mediaonədə.

İroni məşhurə fərmondə, qeneral Hac Ğasım Suleymani şəhadət bəpeştə, İraği Həşduş-şəəbi və Fələstin islamiyə hərəkati(Həmas) bəyaniyə vasitə elanışon karde ki deşmənon vədə muğavimət karde cərəyonədə İroni kənoədə bemanden.

Əmmo Amerkə ım cinoyət və xəbisə hərəkət dınyo mediyaonədə diğğəton bəştə tərəf cəlbış karde.

Çini Şinhova, Qelobal Taymz, CÇTN və Yaponiya NHK kanalon və mediyaon xusosi ıştə bərnaməonədə Amerkə ım cinoyəti məhkum kardışone Pakistani televeziya kanalon əcumlə Ekspres Niyoz həm Amerkə ım təcavuz və həmlə, Hac Ğasım Suleymani şəhid karde qıləy be məx və xətərnokəku bəyonış karde.

Tırkiyə kanalonədə addi bərnaməon həm ğət bin və əmələn ım kişvəri mediyaon İroni sepah ğuds təşkilati fərmondə qeneral mayor Hac Ğasım Suleymani şəhodəti barədə sohbət kardışone.

Tırkiyə jurnal və rujnoməon əcumlə; Cumhoriyət, Səbah, Yeni Şəfəğ və Milliyət rujnoməon həm qeneral mayor Suleymani şəhadət, İrağədə Amerkə ım cinoyət və muğavimət cəhbə zumandə iradəon barədə mətləbon çap kardışone.