İron və Azərbaycan Respublika miyono əloğəon barədə muzakirəon.

İroni prezidentəti aparati rəis və Azərbaycan Respublika i minə vəziri muavin telefoniyə rabitədə bə Tehron-Boku miyono bıə əloğəon inkişofi təkid kardışone.

Məhmud Vaezi və Şahin Mustəfayev ım telefoniyə rabitədə bə 2 qılə milləti miyono bıə tarixi və mədəni mıştərik noğtəon işorəşon karde və 2 tərəfi həmkarion inkişofi pidəşone.

2 tərəf ijən çoknə de koronavirusi mubarizə badərə, sərhəddon uj bey zərruriyati iyən qıləy mıştərik çərçivədə ticari və iğtisadi həmkarion dəvomi barədə həm sohbət kardışone.

İroni prezidentəti aparati rəis və Azərbaycan Respublika i minə vəziri muavin ım rabitədə bəyon kardışone ki de mıştərik mudiriyəti koronavirusi bevəcə təsiron vəy qəte bəbe.

Çand faxt sukuti bəpeştə oxoy sə Azərbaycan Respublika həm bə ım kişvərədə koronavirusi mıbtəlo bıə kəson peydo bey etırofış karde.