Ərdoğani siyasətonku Tırkiyə Səadət partiya tənğidon.

Tırkiyə Səadət partiya lider votışe: Ərdoğan de Amekə pesoxtə bıə yolə Miyonə Şərğ planiku himoyədorəti məntəğədə nooromə şərayeti bois bıdə.

Bə Sana raporti əsos Kərəmullah Oğlo votışe: amerkə bə İrağ həmlə karde detosə beynəl xalğ sionizmi bə Suriyə həmlə karde zəmon Tırkiyə ədalət və inkişof partiya qırd xəbisə planonədə rolış be.

Əv Tırkiyə dıvlətiku tələbış karde ki bıhranon həl kardeo de məntəğə kişvəron əcumlə Suriyə həmkariş bıbu.

Əv votışe: Ərdoğani rəhbərəti jentonədə Tırkiyə ijən bə repressiv hərəkəton iyən de DAEŞ terroristiyə qrupi həmkarion dəvom dodə.

Səadət islamiyə partiya yol əlovəş karde: Tırkiyə prezident, çəmə əraziku bə İŞİD komək karde xoto istifadə kardedə və bə terroriston pol iyən silah dodə və hol ım ki bə ım siyasəti reğiyonal təsiron diğğət kardedə ni.

Çımi bənav, Tırkiyə vətən partiya həm bə Ərdoğan nota doe be ki Amerkə və sionist rejim pidəşone Tırkiyə çı Suriyə bıhranədə qiriftor kon.