Azərbaycan Respublikaədə de ironi həmkarəti maşin soxte zavodi bino karde.
Azərbaycan Respublika Neftçala şəhrədə de ironi həmkarəti maşin soxte zavodi bino karde əməliyat təşkil be.
Boku şəhriku bə telerədyo aqentəti xəbon əsosi ım sənaye mərkəz de Azərbaycan Respublika Azəryur Kar nomo bə şirkəti iyən İron İslam Respublika İran Xodro şirkəti həmkarəti 15 milyon dollar rəsmayə noeədə soxtə bedə.
ironi sərmayə noe ım planədə 25 faize.
ironi sənaye mədən ticarət vəzir Muhəmməd Rıza Nemətzadə həminə mərasimədə bə İron və Azərbaycan Respublika dəvominə həmkarətion işarəş karde və votışe: jıqo həmkarətion bino be 2 qılə məmləkəti ixtisadiyə rabiton inkişafiku hikayət kardə.əv əlavəş karde İron çı şirkəti maşinon həvate bədiqə xıdməton iyən servison xoto muhim və yolə şəhronədə ıştə nımoyəndəti mərkəzi obəkay.
həminə mərasimədə Azərbaycan Respublika ixtisad vəzir Şahin Mustəfayev həm bə 2 qılə prezidenti iradə əsosi 2 qılə məmləkəti əlağon səthış ve əla zınə.
əv həmçinin dəvardə 6 manqi muddətdə 2 qılə məmləkəti ticariyə fəaliyyəton 66 faizə inkişaf və Azərbaycan Respublikaədə ironi 450 qılə şirkəti fəaliyyətış ticariyə rabiton inkişafış zınə.
Azərbaycan Respublikaədə maşin soxte zavodi fəaliyyəton bino beədə ha sor 10 həzo qılə Səmənd Soren Dena iyən Rana nomo maşinon soxtə bəben.
ım sənaye mərkəz Neftçala şəhr Boku şəhri cənub hissə 150 kilometriədəy və 9 manqi dılədə soxtə və bəhrə bardeyu hozzı bəbe.
