İron bo Ğərəboği tojə ozod bıə ərazi ovdon kardeyro hozzıe.

Bokuədə bıə İroni səfir bo Ğərəboği tojə ozod bıə ərazi ovdon kardeyro İroni hozzı mandeyku xəbəş do.

Bə İrib raporti əsos Sey Əbbas Musəvi de Azərbaycan Respublika iğtisod vəziri muavin vindemoni cərəyonədə bə 2 qılə kişvəri miyono bıə mıştərək noğtəon işarəş karde və votışe: bə tarixi, mədəni və məzhəbi prinsipon əsos bıə 2 qılə kiçvıri miyono həmkarion həmçenin rəsmi iyən siyasi şəxson miyono bıə iradəon həminə əloğəon inkişofi amile.

Bokuədə bıə İroni səfir bə iğtisad sahədə bıə Tehron-Boku miyono zərfiyəton işarə və təkidış karde: ısət har zəmoniku vey bo həmkarion inkişofiro meydon hozzı bıə xususi Ğərəboği tojə ozod bıə məntəğəonədə İron dıştə veyə təcrobə iyən zumandə şirkəton karde bəzıne muxtəlif həmkarion meydoni hozzı ko.

Azərbaycan Respublika iğtisod vəziri muavin Elnur Əliyev həm bə muxtəlif baxçonədə xususi iğtisod sahədə İronıjə fəəalə şirkəton işterak həmçenin Ğərəboği tojə ozod bıə məntəğonədə muxtəlif nəğliyot, enerji iyən obdonəkə planon bə vırə rosniyeyro bəBoku-Tehroni miyono həmkarion inkişofi təkidış karde.

Dəvardə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.

Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod ko.